. عبير : فضل، معروف، و كمان سالم هم الثلاثه شخص واحد بس له ثلاث شخصيات فضل هو الكبير أو هو الحقيقي فيهم بسبب اللي اتعرضله من والده و هو صغير و كل اللي شاف مامته بتمر بيه خلى فضل يوصل للحاله دي كل ده خلى فضل يختلق الشخصيات دي كان بيغير هدومه و شكله و لبسه و كمان طريقته في التعامل و حتى اسمه، خلق شخصيه سالم الشخصيه اللي كان نفسه يعيشها بس اتغصب عليه يعيش غيرها، الشخصيه اللي بتعرف تجيب حقها بايدها و مبتخافش من حد، اول ضحيه كان فتحي شنطه، في يوم بعد ما فضل ابوه ضربه كالعاده امه أخذته و نزلت تجيبله شنطه عشان تراضيه و النجس فتحي لمسها لمسه خبيثه هي اتوترت و خافت و سكتت بس فضل خد باله و ظهر لفتحي بشخصيه سالم و مخدش وقت كتير عشان يتصاحب عليه و بعد فتره مش كبيره قتله و غمس ايده بدمه و طبع كف ايده على باب المحل بتاع شنطه، الناس مركزتش و افتكرت ان حد كان بيدبح اضحيه و طبع ايده بس الناس لاحظت اختفاء فتحي و اتقفل الموضوع ان فتحي هرب من المنطقه، الضحيه الثانيه هي ابو فضل اللي كان معذبه و، كمان معذب امه معاه فضل اتعلم من أمه زراعه النبات بس فضل كان بيزرعها سامه و هو اللي سم ابوه بس بردو في شخصيه سالم بعد ما قاله انه صاحب ابنه فضل و قدمله مشروب في السم و مات الاب اللحظه دي بالنسبه لفضل كانت انطلاقة حس اخيرا ان سجنه اتفك و لكن اتفضل شئ واحد أو ضحيه واحده و هي عمته اكتر شخص فضل كان بيكرهه كانت ست قعيده مش بتقدر تخرج من البيت، في يوم فضل استنى امه تخرج من البيت و لبس لبس سالم و غير شكله على شكل سالم و دخل على عمته و قدر يفتح الباب بسهوله و بعد كدا وقف قدام عمته و بصلها في عنيها جامد و عنيه كانت مرعبه عمته حاولت تصرخ بس هو كان اسرع منها و خبطها بعصايه خلاها اغمى عليها فضل كان ذكي عارف انه لو قتلها ممكن يتقفش عشان كدا خبطها و قطع ايدها عشان تبان عمليه انتحار و لما الام رجعت لقت العمه منتحره بلغت البوليس و لما جم اتقفل المحضر على عمليه انتحار فضل و هو بيقتلها و بيبص في عنيها قالها:”انتي السبب في كل اللي حصل انتي اللي عملتي كل ده انا بجد بكرهك”. اخر ضحايا فضل هو سالم او القبل الاخير فضل حرق كل الهدوم بتاعت سالم اللي استخدمها و نسي كل حاجه او اجبر نفسه على كدا و بعد فتره لقيت فضل مشنوق في اوضته و على المكتب بتاعه دفتر كان مكتوب في كل الكلام ده و آخر حاجه كان كاتبها هي :” انا مكنتش عايز المواضيع توصل لكده بس مكنش في حل تاني انا اسف ليكي يا أمي على كل اللي حصل اسف على كل اللي شوفتيه من عذاب و قهر انا حاولت أخذلك حقك من كل اللي اذوكي و انا أولهم عشان كدا استحق الموت” و دلوقتي انا قاعده جنبها و هي جثه متعلقه في الهوا بنفس الحبل اللي انتحر بيه فضل
